الأغاني: Buio Pesto. Palanche. O Computer.

(P. Parodi)

Ormai o mondo l'e informatizzou,
se no ti st? a-o passo ti t'e fregou,
cosci ho deciso, da lunedi,
un bello computer m'accatto anche mi.

E finalmente me l'han installou,
o ciu veloxe, o ciu attrezzou,
oua ve conto, a no l'e 'na pansann-a,
cosse m'e successo in te 'na settemann-a.

O primmo giorno me g'assetto davanti,
pe non inciastralo m'infio anche i guanti,
o creuvo ben pe avvarda a vernixe,
a garansia a metto in cornixe.

E martedi l'e arrivou m? cuxin,
che l'e vint'anni ch'ou vive a Dublin,
o me dixe: "I like your house",
e comme d'incanto sparisce o m? mouse.

Poi se presenta so figgio Johanni,
c'ou pa 'na scrossua d'attaccapanni,
o parla in ingleise, no capiscio un belin,
capiscio, pero, ch'o fa feua o tappetin.

Mercoledi m? barba Pasquale,
che a forsa de troffie o peisa un quintale,
o molla 'na quagia, ghe cazze a dentea,
o polverissa a povia tastea.

Zeuggia m? figgio che o l'e sempre feua,
o vegne insemme ai compagni de scheua.
"Dovemmo fa 'na ricerca in sce Dante",
xattan o modem e pure a stampante.

Venerdi, 17, arria m? mogge,
che me s' ingheugge sempre in t'i pe,
co detersivo a se mette a puli,
va in curto-circuito o lettore C.D.

Sabbo m? figgia ch'a l'ha pe galante
un "pescou de canna" de Sestri Levante,
sempre in ritardo pe corri a-a stazion,
s'ingamba in to cavo d'alimentazion.

Domenega poi de primma mattinn-a,
mi eo bersagliere, no son 'na belinn-a,
voeivo sarva tutto quello che resta,
me inciampo pe-e scae, me rompo anche a testa.

E a m? illusion de tecnologia,
in t'e 'na settemann-a a l'e proprio svania,
son triste, avvilio, no gh'a fasso ciu,
ma...son sempre i stessi a piggialo in to cu?